Novas
Actualidade da agrupación socialista de Noia.
Concedemos a licenza do novo centro de saúde: agora tócalle á Xunta
O goberno local aprobou por unanimidade a licenza urbanística do novo centro de saúde no Bulevar dos Tamara. O Concello fixo a súa parte; agora o Sergas debe presentar o proxecto de execución e sacar a obra adiante.
Alfredo Blanco Ríos incorpórase ao grupo municipal socialista
O pleno de outubro recolleu a toma de posesión de Alfredo Blanco Ríos, número cinco da lista socialista, que substitúe a Abel Pan Hermo. Dámoslle a benvida a Alfredo e as grazas a Abel polo seu traballo.
A pasarela do paseo marítimo xa ten plan de obra en dúas fases
Portos de Galicia e o Concello fixan as bases do convenio para recuperar a pasarela peonil do porto: 80 % Portos, 20 % Concello e obra en dúas fases. Agora toca asinar e executar.
A piscina municipal reabre mellorada e coas contas máis saneadas
A Piscina Municipal de Noia volveu abrir o 7 de outubro tras 61.500 euros en melloras. O servizo, que arrastraba un déficit de máis de 130.000 euros, está xa a un paso do equilibrio.
Adxudicamos a renovación de tres parques infantís por 45.000 €
Barro, O Obre e o paseo marítimo terán xogos novos e máis seguridade, dentro dun plan de parques infantís que ten na Alameda a súa actuación principal.
Modernizamos a potabilizadora e os bombeos da auga de Noia
Automatizaremos a ETAP de Santa Cristina e as estacións de bombeo con 104.249,99 € tras reparar as captacións. Contamos co apoio do Plan Único da Deputación, que destinará case 2 millóns a Noia en 2026.
Legalizamos o Punto Limpo tras anos sen autorización
O Punto Limpo de Noia xa está legalizado. Pechamos unha irregularidade herdada que a Xunta advertira en 2020, cando avisou de sancións de ata 300.000 euros.
Oito obras en parroquias e casco co POS+ da Deputación
Noia destinará 574.921,64 € do POS+ Adicional da Deputación a oito obras en parroquias e casco, do Cruceiro da Barquiña a Roo e Manle.
Renovamos por completo o parque infantil da Alameda
O goberno local que encabeza o alcalde socialista Francisco Pérez investirá 66.997 euros na renovación integral do parque infantil da Alameda, con novo pavimento de seguridade, xogos accesibles e un prazo de execución de cinco semanas.
Acordo con Portos de Galicia para recuperar a pasarela do paseo marítimo
O Concello de Noia e Portos de Galicia tramitan un convenio de colaboración para financiar as obras que permitirán reabrir a pasarela do paseo marítimo, pechada temporalmente por seguridade tras os informes técnicos de ambas as administracións.
Renovamos o firme do vial de Eiroa co apoio da Deputación
O goberno municipal renova o firme do vial de Eiroa cun investimento de 37.450,25 euros financiado polo POS+ Adicional da Deputación da Coruña, mentres a Xunta asfalta a contorna da rotonda de entrada ao centro de Noia.
Noia porá fin ás verteduras fecais á ría en setembro
O goberno local que encabeza o alcalde socialista Francisco Pérez avanza na reparación dos bombeos do saneamento —14 non funcionaban correctamente— e prevé que en setembro de 2026 cesen as verteduras á ría, logo de dous anos de augas sen depurar.
